Ginka-akig sang mga fans halin sa India ang American rock band nga Coldplay bangod sa taas nga presyo sang tickets sini.
Magahiwat sang tatlo nga adlaw nga konsyerto ang banda sa bulan sang Enero sa masunod nga tuig kag matapos nga ginanunsyo ang pagbaligya sang tickets madasig ini naubos sang pila lang ka minuto.
Madamo nga fans ang nagreklamo bangod sa pila ka oras nila indi ma-access ang websites kung sa diin makabakal sang tickets.//May pila pa nagreklamo nga guba ang mga websites.
Isa sa ginkaakig nila amo ang madason nga pagbaligya sang nasambit nga mga tickets sang mga reselling platforms sa masmadako nga presyo.
Ang pinakabarato nga tickets ang nagakantidad sang P2,000 samtang ang pinakamahal yara sa P8,000 kung sa diin may ara sang masobra 10 milyon nga katawo ang nagapa-unahan agod makabakal sang 180,000 nga tickets.
Sa mga online reselling platforms sa India naglab-ot ang pinakamahal nga presyo sa masobra P600,000 ang isa ka ticket.
Ginakabig nga ang India karon ang target sang mga kilala nga singer kung sa diin naka-concert na dati sila Ed Sheeran, Alan Walker kag Dua Lipa.
