Nagsumpa si Republican presidential nominee Donald Trump nga pasakaan niya ang “search engine” nga Google sang kaso kon makabalik sia sa White House bangud nga nagapakita lamang ini sang malain nga mga istorya parte sa iya, sang nagligad nga Biyernes, Setyembre 27, 2024.
Sa pihak nga bahin, gin-akusar man ni Trump nga nagapakita lang sang positibo nga mga impormasyon ang Google mag-abot sa iya kontra nga si Democratic nominee kag Vice President sang Estado Unidos nga si Kamala Harris.
Napaggwa sang post si Trump matapos ginpakigbahin sang isa ka grupo kon ano ang nadiskobrehan nila sa pag-search sang “Donald Trump presidential race 2024.”
Gipamatukan naman ni Google ang pahayag kag nagsabat ini nga wala nila ginamaniobra ang mga resulta agud mapaboran ang bisan sin-o man nga kandidato sa politika.
Madumduman nga nangin sentro sang nanari-sari nga criminal kag civil cases si Trump kon sa diin nagapangatubang sia sa mga aksusasyon nga ginlakipan sang sexual abuse kag paghatag sang “hush money” sa isa ka porn star.
