Natalana nga mangin masunod nga prime minister sang Japan si anay Defense Minister Shigeru Ishiba matapos nagdaog sa iya ikalima kag ginpahayag niya nga final attempt nga magpamuno sa ruling nga Liberal Democratic Party.
Nagdaog sa gamay nga abanse ang 67 anyos nga political veteran batuk sa nationalista nga si Sanae Takaichi sa ginkabig nga isa sa unpredictable leadership elections sa sulod sang pila ka dekada nga may siyam ka kandidato.
Ang lider sang LDP nga nagpamuno sa Japan sa halos kalabanan sang post-war era ang halos sigurado na nga mangin masunod nga premier bangud sang mayoriya sa parliament. Natalana ang special session sang parliament sa Martes agud nga botohon si Ishiba para sa opisina.
Ang contest sa pag-ilis kay premier Fumio Kishida ang naggwa sang Agosto sang gin-anunsiyo niya nga magapanaog bangud sang serye nga iskandalo nga nagbutong paidalom sang rating sang LDP.
