Ginpangalanan sang US media ang suspek nga tuyo nga magluthang kay Donald Trump.
Si Ryan Wesley Routh ang una nga gin-interview sang AFP sa Kyiv sang 2022 nga nagbyahe agud suportahan ang war effort.
Suno sa US media, ang 58 anyos nga si Routh ang gin-aresto sang ginpalukpan sia sang US Secret Service agents nga nagabitbit sang AK-47 style rifle malapit sa boundary sang Florida golf course ni Trump kun sa diin naga-golf ang anay presidente.
Ang suspek ang hinali nga naghalin nagikan sa masi-ok nga lugar nga iya ginapanagu-an kag nagpalagyo gamit ang itom nga salakyan antes gin-track down sang otoridad.
Sa report sang CNN kag CBS, si Routh ang isa ka self-employed affordable housing builder sa Hawaii nga naka-agi na aresto kag masami nga naga-post may kaangtanan sa pulitika kag current events, lakip na ang pagpakamalaot kay Trump nga isa ka Republican presidential candidate.
