Nagpasaka sang malicious mischief complaint si anay President Rodrigo Duterte batuk kanday Interior Secretary Benjamin Abalos Jr., Philippine National Police (PNP) chief General Rommel Marbil, kag iban pa nga police officials may kaangtanan sa operasyon sa Kingdom of Jesus Christ (KJC) compound sa Davao City.
Si Duterte ang bag-o nga administrator sang KOJC properties. Ang malicious mischief ang ginpasaka bangud sang pagkaguba sang propedad.
Ang mga kaso batuk kay Abalos kag PNP officials ang ginpasaka sa Regional Trial Court Branch 15 sa Davao City.
Sang Agosto 24, 2, 000 ka myembro sang PNP ang nag-raid sa 30 ka ektarya nga compound agud nga iserbe ang arrest warrant batuk sa pugante nga si Apollo Quiboloy.
Ginkutkot sang kapulisan ang underground tunnel sa basement sang Jose Maria College, isa sa mga istruktura sa sulod sang compound.
