-- ADVERTISEMENT --
Ginausisa na sang French police ang ginapahayag pamahog sa kabuhi nga nabaton sang Israeli athletes nga nagapasakop sa Paris Olympic Games.
Ginpahayag sang Anti-cybercrime officers sa France nga ginpakakas na sang prosecutors office ang mga naglapta nga personal details sang mga atleta sa social media.
Suno sa National Cyber Directorate sang Israel, nahibaluan sa ila imbestigasyon nga ang Iranian hackers amo ang nagahimo sang social media channels agud i-publish ang personal information sang mga myembro sang Israeli delegation nga ginpadal-an sang death threats.
Nagpaandam man ang foreign minister sang Israel sa ila French counterpart sa halit nga mahimo matuga sang Iran sa ila atleta kag bisita nga nagalantaw sang Paris Olympic Games.
