Ginapanumduman sa karon sang Department of Health (DOH) ang pag-ban sa “Mukbang” matapos ang mga report nga nangin kabangdanan sang pagkamatay sa stroke sang isa ka content creator gikan sa Iligan.
Sang Biyernes, nagpagwa sang public health warning si Health Secretary Teddy Herbosa batok sa mukbang videos kag ang regulasyon sa malain nga epekto sang sobra nga pagkaon kasunod sang kaso nga pagkamatay sang mukbang vlogger nga si Dongz Apatan sadtong Hunyo 13.
Suno kay Herbosa ang obesity ang nagaresulta sa hypertension, heart conditions, non-communicable disea¬ses, kag mahimo tunaan sang atake sa tagipusuon.
Dugang pa sini, ang pagtan-aw sa mga kaangay nga video ang mahimo magresulta sa eating disorders ukon internet addiction, bangud ginailog ini kag maluwas sini,na-engganyo man ang mga tawo nga maghimo man sang mukbang blog agud makakita sang kwarta apisar nga delikado sa ikaayong lawas.
Pahayag pa ni Herbosa, mahimo magpagwa sang ban sa mukbang videos kun makumpirmar may kaangtanan ang ginkamatay ni Apatan sa overeating.
