Nagresulta sa engkwentro sa tunga sang kapulisan kag suspek nga ginakabig nga rank 1 City Most Wanted Person ang ginpatigayon nga operasyon sang mga tinawo sang General Santos City Police Office-Police Station 1 sa Sarif Mucsin, Barangay Baluan, General Santos City.
Ginkilala ni Police Brigadier General Percival Augustus Placer, Regional Director sang Police Regional Office 12 , ang target sa nasambit nga operasyon nga si alyas “Mac”, 29 anyos, may asawa, negosyante kag residente sang nasambit lugar.
Nahibaluan nga samtang nagserbe sang warrant of arrest ang mga operatiba, hinali nga nagpalupok sang armas ang suspek nga nagresulta sa isa ka engkuwentro, nag-angkon ini sang igo sang bala ang suspek kun diin gilayon ini nga gindala sa pinakamalapit nga hospital apang gindeklarar nga dead on arrival sang doktor.
Apang, padayon suno pa nga nagatinguha ang kapulisan sa pagsiguro sangn kaluwasan sang publiko.
