Gin-ulan sang kontrobersya ang pinasahi nga love story sang 23-anyos nga babaye kag 80-anyos nga lolo sa Hebei Province sa China.
Suno sa report, nakilala sang dalaga nga si Xiaofang ang iya prince charming sang nagtrabaho ini bilang volunteer sa isa ka nursing home sa nasambit nga probinsya.
Sa tion sang iya pagpanrabaho, nakilala sang dalaga ang 80-anyos nga tigulang nga si Mr. Li, sa diin nangin mag-abyan sila matapos nagpakigbahin sang ila mga interest kag hobbies.
Apang, sa pagligad sang tion, ang ila pag-abyanay nangin madalom pa tubtob nahulog si Xiaofang kay Mr. Li bangud sa iya pagahamtong, kalig-on, kag kaalam, samtang nahulog naman ang tigulang sa dalaga bangud sa iya katahum kag kabuoton.
Bangud sa ila pagpalanga-anay, gin-ulan ini sang mga negatibo nga komento sang mga netizen kag amo man ang pamilya sang dalaga.
Apisar madamo sang naga-upang sa ila paghigumaanay, ginsunod ni Xiaofang ang iya tagipusu-on kag nagpakasal sa tigulang.
