Gin-athag sang aktres nga si Bea Alonzo nga indi ini ang nagpanguna agud mabugras ang ila relasyon sang kahagugma nga si Dominic Roque.
Suno sa aktres, madamu sang mga nagtuksaw sa natabo sa ila nga relasyon kag indi na sini luyag pa dugangan ang ihibalo sang iban. Apang luyag sini athagon nga indi siya ang nakigbulag.
Sa karun suno sa dalaga, pabay-an nalang ang natabo bangud “okay” na sila ni Dominic kag bilang paghatag man sang respeto sa relasyon kag sa mga tawo sa palibot sang ila relasyon.
Matandaan nga nagsugod sa pag-date ang anay magkahagugma sang Enero 2021. Na-engaged ang mga ini kag nagplano magpakasal sang Hulyo 2023.
Nakumpirmar naman ang pagbulagay ni Bea kag Dominic sang Pebrero sini nga tuig.
Nahibaluan nga tubtob subong indi pa maathag ang madalum nga rasun sang pagbulagay sang anay magkahagugma. Bangud man sa mga espekulasyon, mismo si Bea kag Dominic ang nagpasaka sang kaso sa mga ginaalegar nagapalapta sang sayop nga balita angut sa ila relasyon.
