KORONADAL CITY – Naka hightened alert status sa karon ang bug os nga area sang Datu Odin Sinsuat, Maguindano makaligad ang isa ka pagsigabong nga kulukasubong isa ka patimaan nga pamahog sang mga armado batok sa mga tropa sa amo nga lugar.
Sa interbyu kay DOS COP, Lt. Col. Nelson Madiwo, ginpahayag sini nga mas nakaalerto kag gindugangan pa gid ang ila nga patrolya agud masiguro kag mahibaluan kung sin o nga grupo ang responsable sa pagpasigabong sa nasambit nga lugar.
Wala sila nagapabaya agud nga wala sang mga sibilyan nga malamitha sa sini nga mga insidente.
Kung madumduman, nagresulta sa pagkahadlok sa mga residente sa Barangay Benolen Datu Odin Sinsuat, Maguindano ang isa ka makusog nga pagsigabong sa lugar.
Matapos nga mabatian nila ang tuman ka ksuog nga pagsigabong ang gilayon ini nga gin paalerto ang ila nga tropa kag gilayon nga ginkadtuan ang lugar kag ginhibalo ang location snag nagsigabong nga suspected Improvised Explosive Device o IED.
Nahibaluan nga sa isa ka rice field ang ginluntaran sang tuman ka kusog nga pagsigabong kag suno pa sa report sang DOS MPS ini ang ginapatihan nga isa ka Projectile 60mm.
Dugang pa ni Col. Madiwo, nga ini ang posible isa ka diversionary tactic nga pagpanghadlok sa mga otoridad nga nagapatrolya sa lugar.
