KORONADAL CITY– Nakigbuylog na sa karon ang pulisiya sa Philippine Port Authority, Philippine Coastgurad kag Comelec sa Region 12 para naman sa palaabuton nga piniliay.
Ini ang nangin pahayag ni PLt. Col. Maria Joyce Birrey- PRO 12 Spokesperson sa interbyu sang Bombo Radyo Koronadal.
Suno sa iya, tinutuyo sang ila naman nga ahensya ang mabantayan ang pagtrasnport sang election parapahernalia nga paga usaron nga sa palaabuton nga Mayo 9 ilabi na sa mga delikado nga lugar sa rehiyon.
Ginpahayag sini nga ginhimo nila ini kadungan naman sa pag abot sang una nga batch sang mga election material sa General Santos City.
Sa karon nakapreparar na ang safety kag security precautions sang PNP.
Ginpasiguro naman sang ila nga ahensya nga magabantay sila sang 24 oras para sa delivery sang Comelec paraphernalia kag equipment.
Gindugang pa sini nga ila ini nga kontribusyon agud nga mapasiguro ang pag angkon naman sang Secure, Accurate, and Fair Election o SAFE sa Mayo nga election.
