KORONADAL CITY- Nag-abot na sa masobra walo ka libo nga pamilya ukon 32,342 nga indibidwal ang apektado ang pagbaha sa 14 ka mga barangay sa banwa sang Sultan Kudarat sa probinsiya sang Maguindanao.
Suno kay Ginoong Kadil Blaim sang DRRMO-Sultan Kudarat,pinaka-aepktado sa sbung ang Sitio Tinago kag Sitio Masigasig sa Barangay Limbo kag ang Sitio Magsaysay sa Barangay Pinaring.
Kagab-i ginpabakwit man ang mga residente kag nagpabilin sa subong sa mas luwas nga lugar.
7 naman ka mga pamily ang naapektuuhan sang landslide sa Barangay Matingan apang wala naman sang may na report nga napilasan ukon napatay.
Nagpaabot naman sang inisyal nga bulig sang LGU-Sultan Kudarat sa mga pamilya nga naapektuhan sang pagbaha sa nasambit nga barangay.
Kadungan sini, nagpahinumdum naman si Blaim nga maghalung kag mag bakwit sa tion nga peligroso ang sitwasyon.
Pila sa mga barangau nga apektado ang Banubo, Ibutigen, Narra, Dalumangkob, Rebuken, Gang, Bulalo, Salimbao, Makaguindanao, Crossing Simuat kag Matingen.
Nagapadayon naman ang monitoring sa subong sa mga apektado nag barangay sa North Cotabato kag iban pa nga lugar sa Socsargen.
