KORONADAL CITY-Mahimo na makuha sang mga persona nga nadulaan sang mga motorsiklo nga ginaalegar nga ginpangkarnap sa Kidapawan City, bangud nasapwan na ini sang mga otoridad. Ini ang ginpahayag ni Lt. Col. Ruben de Ramos, Deputy Chief of Police sang Kidpawan sa interbyu sang Bombo Radyo Koronadal.
Suno sa iya, nagapanawagan na suno pa ang Cotabato Provincial Highway Patrol Group sa mga nadulaan sang motorsiklo nga makig angot sa ila sang personal para sa verification sang mga narekober nga motorsiklo. Ginpahayag sang opisyal nga nagpatigayon suno pa sila sang operasyon sa isa ka persona nga ginatarget nga amo ang nagapanguna sa mga buluhaton sa pagpangcarnap.
Natukiban suno pa sa isa ka bodega sa Brgy. Gukotan, Pikit North Cotabato nga madamo sang mga naka junk nga mga motorsiklo. Sa tion sang ila nga operasyon, narekober ang 442 ka mga motorsiklo nga ginapatihan nga mga ginpangkarnap.
Sa karon, nagpanawagan na lamang ang opisyla nga kung mahimo kung sin o man ang tag iya sang mga motorsiklo, mahimo nga magpadulong sa HPG Office, Kidapawan City kag magdala sang mga importante nga dokumento parehs sang Certificate of Registration, Official Receipt, Pilice Blotter, 2 ka Valid ID’s, kag iban pa.
