KORONADAL CITY- Mahimo nga magpangatubang sang kaso nga Administratibo kag Krimenal ang suno pa hubog nga pulis nga si Patrolman Richard Panaligan nga nakadestino sa Tantangan MPS kag pumuloyo sang Lambayong, Sultan Kudarat nga gina alegar nga nagpanakit kag nagpanaya sang iya nga service firearm sa isa ka manug bibe sa bahin sang Barangay Tambak, Lambayong Sultan Kudarat.
Ini ang ginpahayag ni PCol.Jemuel Siason, Provincial Director sang South Cotabato Police Prov’l Office sa interview sang Bombo Radyo Koronadal.
Suno sa opisyal, nkaabot na ang nasambit nga insidente sa iya nga talatapan kag ginapambestigaran na ang ini nga panghitabo kag ang mga alegasyon batok sa pulis nga sa yara sa idalom sang iya nga hurisdiksyon.
Dugang pa sang Director, igapaidalom man sa medikal kag psychological nga exaninasayon si Panaligan bangud basi ang ini nga behavior ang epekto man sang 3 ka bes nga operasyon sa iya nga ulo sang tuig 2017 bangud sa isa ka disgrasya.
Sa subong , ginhulat pa nila ang report nga ihatag sang Lambyong PNP kag Sultan Kudarat PPO para sa imbestigasyon.
Sa subong gin disarmahan na kag ara na sa “Restrcitive Custody” sang PNP Region si Pat. Richard Panaligan samtang naga padayon ang imbetigasyon sang PNP Region sa amu nga panghitabo.
