KORONADAL CITY – Nagapadayon sa subong ang imbestigasyon sang mga otoridad angot sa pagpanunug sang 2 ka mga disaster response vehicles sa bahin Purok Maharlika, Brgy GPS .Koronadal City.
Ini ang ginkumpermar ni Brgy. KAGAWAD DANILO DELOS SANTOS sang GPS sa interview sang Bombo rAdyo Koronadal.
Suno sa opisyal, nagluntad ang pagpanunug takna alas 12 kagina sa ng kaagahon kun sa diin may pila ka mga persona suno pa nga nagpanghaboy sang siniduntan nga bote nga may gas sa sulod kag gin haboy ang mga ini sa 2 ka nakaparada nga mga salakyan.
Gilayon naman nga nakamutik ang pila ka mga tawo sa isa ka staff house sa malapit sa mga salakyan kag ginhingagaw ang salakyan ,kabangdanan nga wala gin na ubos ka sunog ang 2 ka salakyan.
Narekober sang mga otoridad ang 5 ka bote nga gin-usar sa pagpanunug kun sa diin 4 ang nabuka kag isa nga wala tigayon nga nabuka.
Narekober man nga isa ka tela nga gin himo nga pabilo sang mga suspeks.
Sa subong may mga persons of interest na anga mga otoridad kag naga padayon pa ang maiid-id nga pagkuha sang mabakod nga ebidensya batok sa mga suspeks.
