KORONADAL CITY- Nagalab-ot sa Pito ka mga miyembro sang rebelde nga New People’s Army ukon NPA halin sa banwa sang Tantangan, South Cotabato ang boluntaryo nga nag sungka sa mgaotoridad.
Suno sa Tantangan-PNP, dala sang mga nasambit nga rebelde sa ila nga pagsungka ang mga highpowered nag armas nga ginalakipan sang isa ka unit nga homemade 12 gauge shotgun, isa ka rifle grenade, isa ka kalibre 45 nga armas lutang kag mga surbesibo nga dokumento.
Nahibaluan nga lunsay mga katapo sang Guerilla Front 73 kag 72 ang mga nagsungka nga mga rebelde.
Hinali naman nga nakabaton sang inisyal nga bulig halin sa LGU-Tantangan kag Philippine National Police ang nasambit nga mga rebel-returnees.
Sa subong, nagapabilin ang mga ini sa pag atipan sang mga otoridad para sa debriefing kag nagakaigo nga disposisyon.
