KORONADAL-Mas makapamaayu na suno pa nga indi na magbalik sa Myanmar si 2020 Myanmar Miss Universe Candidate Thuzar Wint Lwin o Candy bangud posible nga dako nga posibilidad nga balabagan ini sang mga otoridad sa tion nga magbalik ini sa Myanmar.
Ini ang gintagaan sang punto ni Tun Min, Bombo International Correspondent sa Myanmar sa interview sang Bombo Radyo Koronadal.
Suno Kay Min, naga hulat na kay Candy ang Warrant of Arrest batok sa iya sa ila nga pungsod kag nakatalana man nga mag-atubang sa prosecution sa tion nga magtapak ini Myanmar.
Dugang pa sini ,bangud sa padayon nga malapnagon nga hublag protesta sa Myanmar, dako man ang posibilidad nga mabutang sa ital-ital ang kabuhi ni Candy sa kamot sang mga military rulers bangud mga mapintas suno pa ang mga ini.
Kun madumduman, likom nga nagpadulong sa US ang Myanmar Beauty Queen para e-representa ang iya nga pungsod sa 69th Miss Universe pageant kag nalakip pa sa Top 21 kag nakakuha man sang winning Best National Costume.
Sa Prestihisyosong pageant , ginsaysay ni Candy ang naga luntad nga Coup de ‘etat sa ila nga pungsod nga ginkaakig naman sang mga military rulers.
Isa ka semana makaligad ang Miss Universe 2020 pageant, mainit nga ginbaton sang Chin community sa Indianapolis sa America si Candy
