KORONADAL CITY -Nangin madinalag-on ang pag-sungka sang mga matag-as nga kalibre sang indi lisensyado nga armas nga halin sa 7 ka mga barangay sa banwa sang Kabacan ,North Cotabato.
Suno ka ABC President Evangeline Pascua-Guzman, ini ang pinaagi sa idalom sang kampanya sang nasambit nga barangay nga “Balik Baril Program” sa bulig man sang AFP , sa pagkab-ot sang kalinong kag katawhayan sa banwa sang Kabacan.
Dugang pa sang opisyal, humalin sa pito ka barangay nga ginakalakipan sang Brgy. Pedtad, Buluan, Simone, Sanggadong, Nangaan, Simbuhay, kag Tamped ang mga armas luthang.
Personal naman nga ginbaton sang 602nd Brigade ang apat (4) ka calibre 30 MI Garand, Duha (2) ka calibre 30 MI Carbine ,kag isa (1) ka Baby Armalite sa pagpanguna ni 602nd Brigade Commander BGen. Roberto S. Capulong, PA.
Sa subong, naga padayon sa pagpangganyat sang Lokal nga Gobyerno sang Kabacan para sa kalinong kag katawhayan sang mga residente
