KORONADAL CITY – Yara na sa kustodiya sang mga otoridad ang duha ka katapo sang Bangsamoro Islamic Freedom Fighters (BIFF) Karialan Faction nga involbado sa pag-atake kag kalakasan sa Datu Paglas, Maguindanao sang damlag lamang.
Ginkilala ang mga naaresto nga sanday Jerwali Salem Zabel kag Nasrullah Abdullah Walingan nga katapu sang BIFF-Karialan Faction nga nag-ataoe kag nagtuga sang kalakasan sa Datu Paglas, Maguindanao.
Suno kay Major Esmael Madin, CIDG-BAR’s provincial officer for Maguindanao, na-korner sang mga katapu sang MILF sa Barangay Kalumengan, Datu Paglas sanday Zabel kag Walingan kag gilayon nga ginturn-over sa Criminal Investigation and Detection Group-Bangsamoro Autonomous Region.
GIn-ako man suno pa sang duha nga magadul-ong lamang sila sang pagkaon sa ila mga kaupdanan nga padayon nga nagapanago bangud sa paglagas sang mga suldado.
Sa subong, ginahibalo man ang kaangtangan sang duha kay Ustadz Solaiman Tudon, nga nagpanguna sa pag-atake sa Barangay Poblacion sang Datu Paglas sang damlag lamang.
Sa subong, ginaprepararna ang nagakaigo nga kaso batuk sa mga naaresto.
