KORONADAL CITY – Ginakabig nga mga notoryos nga drug addicts ang lima ka mga suspek nga naglugos sa isa ka 14-anyos nga menor de edad sa siyudad sang Tacurong.
Ini ang ginkumpirmar ni Police Lt. Col. Joan Maganto, hepe sang Tacurong PNP sa interbyu sang Bombo Radyo Koronadal.
Suno kay Maganto, nadakpan sa ginpatigayon nga drug buy bust operation ang mga suspek matapos nga nagpadulong sa WCPD ang biktima kag natukiban ang pagpanglugos sa iya paagi sa resulta sang medico legal.
Dugang pa ni Maganto ang mga suspek ang sakit man sang ulo sang mga opisyal kag mga kaingod nila sa ila nga barangay.
Mangin ang mga himata sang biktima ang nagapanawagan man nga indi na pagpaguwaon sa presuhan ang mga suspek.
Patong-patong nga kaso naman ang ginpasaka na sa mga ini.
