Lending collector nga manukot lamang sang pautang, ginsiraban-patay kaupod ang motorsiklo sa North Cotabato; pamilya nagasinggitan sang hustisya

KORONADAL CITY– Nagasinggitan sa subong sang hustisya ang pamilya sang isa ka lending collector nga ginsunog-patay sang wala pa makilala nga suspek sa Arakan, North Cotabato.

Ginkilala sang Arakan PNP ang biktima nga si Jeric Uyanguren Ferolino, 22-anyos kag residente sang Tagum City.

Nagluntad ang insidente sa Sitio Kiatoa, Barangay Lanao Kuran, Arakan, alas-3 ang takna sa hapon.

Yara sa lugar suno pa ang biktima agud nga manukot sang pautang apang kamatayon ang nadangtan sa kamot sang wala pa matumod nga mga suspek.

Halos indi na makilala nag biktima matapos nga ginsiraban kaupod ang motorsiklo sini.

Sa karon, nagapadayon pa ang imbestigasyon sang kapulisan sa insidente.