NORALA, SOUTH COTABATO – Patay ang isa ka 10 anyos nga lamharon nga lalaki samtang pilason naman ang lima ka katapo sang pamilya sini sa pagsigabong sang LPG tank sa Sub-Purok Bliss, Purok Reloquemas Brgy. Poblacion, Norala South Cotabato.
Sa interbyu sang Bombo Radyo Koronadal kay Police Major Bernie Faldas, hepe sang Norala PNP, pasado alas 9 kaina sang aga sang natabo ang nasambit nga pagsigabong.
Ginkilala ang napatay kay Jeffren John Cabuhay, nga dead on arrival sang nag abot sa Norala District Hospital samtang ang mga pilason nga sanday:
- Nelfren Fanuga Cabuhay, 40 anyos, balloon vendor at residente ng Purok Santos, Brgy. Zone 3,Koronadal City.
- Geralden Antoy Cabuhay, 39-anyos, balloon vendor at residente ng Purok Santos, Brgy. Zone 3, Koronadal City.
- Aldrin Antoy Cabuhay, 10-anyos
- Tanya Emerson, 10-anyos
- Clue Antoy Cabuhay,8-anyos
Naguwa sa imbestigasyon sang otoridad nga ginabutangan sang hangin ukon helium sang mga biktima ang ila ginabaligya nga balloon usar ang LPG tank sa Rapista residence sa banwa sang Norala sang aksidente nga nagsigabong.
Suno sa nakakita, isa sa mga biktima nga nagsagol sang chemical solution kag ginbutang sa LPG tank samtang ginapahabok nila ang ila ginabaligya nga balloon sang hinali nga nagsigabong kag wala na nakapalagyo pa.
Gilayon nga gindangat sa malapit nga balay bululngan ang mga biktima apang gindeklarar nga DOA si Jeffren kag gin-refer naman sa South Cotabato Provincial Hospital ang lima nga iban pa.
Nagpatigayon naman sang imbestigasyon ang EOD kag SOCO sa lugar nga ginlunataran sang pagsigabong agud mabal-an ang kemikal nga gin usar sang mga biktima.
