KORONADAL CITY – Padayon ang panawagan sang Philippine Army sa mga miyembro sang lawless groups nga magsungka na agud matapos na ang insurhensiya sa rehiyon.
Kasunod ini sa pagsungka sang pito ka katapo sang New People’s Army sa 6th Infantry Division makaligad ang ginpatigayon nga dayalogo sa probinsya sang Sultan Kudarat.
Suno kay 6th Infantry Division commander Major Gen. Juvymax Uy, nangin madinalag-on ang pagpanumbalik sa sabak sang gobyerno sang mga rebelde bangud sa pagpaninguha sang mga LGU officials.
Nahibaloan nga ang nasambit nga mga former rebels ang naga-operate sa kabakulodan sang nasambit nga probinsya.
Dugang sang opisyal, mas ginpahugot pa sang 6th ID kag mga lokal nga opisyal ang ila pagpakig-angot agud makumbinsi pa ang iban nga mga miyembro sang NPA nga magsungka na.
Nahibaloan nga humalin sadtong 2017, ginatos na nga mga katapo sang NPA ang nagsungka kun sa diin kadam-an diri ang nagapangabuhi na nga normal.
