KORONADAL CITY – Ginpasiguro sang Polomolok LGU nga ila nga pagahatagan sang pasidungog ang suldado nga nagtaliwan sa nagluntad nga twin bombing sa Jolo, Sulu sang Lunes nga adlaw.
Sa eksklusibo nga interbyu sang Bombo Radyo Koronadal kay Polomolok Mayor Honey Lumayag-Matti, ginpakigbahin sini nga magasang-at ang Sangguniang Bayan sang commendation agud kilalahon ang pagkabaganihan ni PFC John Agustin sang 35th IB Philippine Army.
Dugang pa ni Mayor Matti, tigayon man sila nga naghatag sang bulig para sa pamilya ni Janjan agud bisan paano magtahaw ang kasubo nga ila nabatyagan.
Nahibaloan nga suno sa opisyal ni Pvt. Agustin, ang iya ulihi nga mensahe antes nagsigabong ang ikaduha nga bomba sadtong Agosto 25, 2020 amo ang “Nasundan ko ang babaeng terorista, Sir”.
Kun madumduman, ginsita kag ginhapaan ni Pvt. Agustin ang babaye nga suicide bomber nga nangin rason sang iya nga kamatayon kaupod ang 14 nga iban pa kag ginkapilas sang 75 ka tawo.
