KORONADAL CITY – Naglab-ot sa kapin 100 nga miyembro kag sympathizers sang New Peoples Army ang nagsungka sa probinsya sang Sultan Kudarat.
Suno sa 6th Infantry Battalion, kabug-usan nga 71 NPA members kag sympathizers ang boluntaryo nga nagsungka sa mga otoridad kun sa diin kaupod sa mga ini ang tatlo ka regular nga miyembro sang kilusan, walo ang miyembro sang Yunit Militia, kag ang 60 ang mga sympathizers kun sa diin kaupod sila sa West Daguma Front sang Communist Terrorist Group (CTG).
Kadam-an suno pa sa mga ini ang mga miyembro sang indigenous people nga biktima sang pagpang into sang komunista nga grupo.
Suno sa pipila, ginrecruit sila ni Leon Tacduro alyas Paeng nga lider sang Regional Peasant Bureau sang Far South Mindanao Region kag education head sang Sub-Regional Command-Daguma.
Nagpromisa ang mga ini sa atubang sang gobyerno kag military officials sa bahin sang Sitio Kiwag, Bgry. Salansang, Lebak Sultan Kudarat kag ginsunog pa ang mga hayahay sang NPA.
Nagpasalamat naman si commander Joint Task Force Central Major Gen. Diosdado Carreon sa pagsungka sang mga ini sa pahayag nga wala na sila sang buwas damlag kon magapadayon sa pag-upod sa nasambit nga grupo.
Ginhatagan naman sila sang Lebak LGU kag DSWD sang pauna nga ayuda kag mga gamit sa pagpanguma agud nga maka-umpisa sang ila panibag-o nga pagpangabuhi.
