KORONADAL CITY – Patong-patong nga kaso ang ginapangatubang sang tatlo ka lalaki bangud sa pagbayolar sa quarantine protocols sa banwa sang Banga, South Cotabato angot sa ginapatuman nga lockdown sa probinsya.
Ginalakipan ang mga ini sang pagbayolar sa extended enhanced community quarantine, physical injury kag resistance and disobedience to a person in authority.
Base sa impormasyon sang Bombo Radyo Koronadal, ginhana suno pa sang suspek nga si Jolito Dalican Gandulan, 40 anyos kag residente sang Brgy. Lambingi nga labuon ang biktima nga si Arjon Dalig, 21 anyos kag residente sang Sitio Lambusong, Brgy Lampari usar ang binangon.
Nakalikaw naman ang biktima kag nakig-away kay Gandulan apang napilasan ini sa iya abaga.
Nagbato man suno pa ini sang ginsita sang mga otoridad.
Samtang gin-arestar naman sanday Gino Mayada, 24 anyos kag Jerry Mendoza, 30 anyos nga lunsay residente sang Brgy. Moloy, Surallah, South Cotabato bangud sa pagpanggamo sa bahin sang Sitio Tboli, Brgy. Kusan, Banga.
Ginhana naman sang biktima nga si Romero Gandam nga patahawon ang sitwasyon apang siya ang ginpautwasan kag ginsakit.
Nagbato man suno pa ang mga ini sang ginsita sang mga barangay officials.
Nahibaloan nga hubog ang tatlo ka mga suspek sang nagluntad ang insidente.
