KORONADAL CITY – Padayon nga gina-monitor sang Department of Education (DepEd-12) kabulig ang iban nga mga ahensiya sa pagbantay sa Mindanao delegation nga nagtambong sa duha ka aktibidad sa Northern Luzon.
Sa interbyu sang Bombo Radyo Koronadal kay DepEd-12 regional director Dr. Allan Farnazo, stranded subong ang nasambit nga mga delegado sa Clark International Airport makaligad magtambong sa National Schools Press Conference (NSPC) sa Tuguegarao kag National Festival of Talents (NFOT) sa Ilagan, Isabela.
Dugang ni Dr. Farnazo nga kalakip sa nasambit nga delegasyon amo ang mga regions 10, 11, 12 kag Caraga.
Isa suno pa ka C-130 plane ang ginkomisyon agud sugaton kuntani ang nasambit nga mga delegado.
SUno naman kay IPHO chief Dr. Rogelio Aturdido, nga nag-deploy man sila sang mga nurses didto sa General Santos International Airport kag may dala nga mga kit para sa pag-monitor sa temperatura sang mga nagaabot labi na sa Luzon area.
Nahibaloan nga 222 ka tawo ang nagtambong para sa NSPC samtang 170 naman para sa NFOT.
