KORONADAL CITY – Nagapanawagan ang Department of Health Region 12 (DOH) nga mag-uloaligmat sa palibot kaangot sa isyu sang coronavirus.
Ini apesar ginpahayag sang nasambit nga talatapan diri sa rehiyon nga wala sila sang nakumpirmar nga mga kaso sang nasambit nga virus ukon may mga persons under investigation (PUI).
Ginpaathag man ni DOH-12 spokesperson kag Health Education and Promotion Officer Arjohn Gangoso sa interbyu sang Bombo Radyo Koronadal nga nagapabilin nga negatibo sa balatian ang Chinese national halin sa Wuhan sa General Santos City nga sa subong yara sa idalom sang state of calamity.
Ginpasiguro sang opisyal nga may ginahimo sila nga mga tikang agud mapunggan ang pagdata sang nasambit nga balatian.
Ginpahanumdoman man sini ang mga pumuluyo sang mga pamaagi agud makalikaw sa balatian kasubong sang paghugas sang kamot, pag-apply sang alcohol, kag pagkaon sang prutas kag utanon.
