KORONADAL CITY – Padayon nga gina imbestigaran subong sang Koronadal City Taskforce Bantay Karne, City Veterinary Office at Provincial Veterinary Office sang South Cotabato ang ginadudahan nga kaso sang African Swine Fever (ASF) sa syudad.
Sa interbyu sang Bombo Radyo Koronadal kay Dr. Ruselyn Almerol slaughterhouse master, ang nasambit nga mga baboy kay ginapagiyahan sang negosyante nga ginkilala kay Jonathan Moreno, residente sang Barangay Zone 4, sa nasambit nga syudad.
Samtang, may ginadudahan man nga kasubong nga kaso sa iban pa nga barangay sa siyudad sang Koronadal.
Suno kay Almerol, nakita-an suno pa sang sintomas sang ASF ang pila sa mga baboy sini kun sa diin nakasagol sa iban pa nga baboy nga yara sa stockyarad sini.
Apang, sa subong ginahulat pa ang opisyal nga kumpirmasyon nagikan kay Dr. Charlemaigne Calo, city veterinary officer sang siyudad sang Koronadal angot sa nasambit nga balita.
Nahibaluan nga nabakal ni Moreno ang mga baboy sa Sulop, Davao del Sur sang Disyembre 2019 kun sa diin ang nasambit nga lugar kay may epidemya sang ASF.
Dugang pa sini nga pamaagi sa blood sample makumpirmar kun apektado sang ASF ang mga nasambit nga baboy
