KORONADAL CITY- Ginpasiguro ni Koronadal City Mayor Eliordo Ogena nga iga sustain sang syudad sang pagpabilin sang kalimpyu kag organisado nga syudad makaligad makumpleto nila ang 60 ka adlaw nga road clearing operations sa bug-os nga Koronadal.
Ginhatagan punto ni Koronadal City Mayor Ogena nga sakripisyo kag tuman nga pressure ang ila gintaya agud nga mapatuman ang tinutuyo nga mahawanan ang dalanon sang Koronadal agud indi mangin upang sa dalagan sang trapiko.
Nahibaluan nga base sa datus sang Department of Interior and Local Government ukon DILG national sa bug-os nga South Cotabato, ang Koronadal lamang ang nakakumpleto.
Yari naman ang masunod:
Banga- Low compliance
Lake Sebu- Low compliance
Norala- Low compliance
Polomolok- Failed
Sto Niño- Low compliance
Surallah- Low compliance
Tboli- Failed
Tampakan- Low compliance
Tantangan- Medium compliance
Tupi- Medium compliance.
Kaangot sini nagapati si Koronadal City Mayor Eliordo Ogena nga ang pagbinuligay sang lokal nga otoridad kasubong sang Koronadal City PNP, BFP Koronadal, mga kapitan kag miyembro sang City Government kag mga pumuluyo ang nangin yabe agud nga makumpleto sang syudad sang 60 ka adlaw nga road clearing.
Nahibaluan nga mangin si Mayor Ogena ang nangin hands on sa pagpatigayon sang road clearing operation sa Koronadal mangin man sa Koronadal City Public Market sa pagpamuno ni Market Supervisor Jonard Manansala.
Dugang pa nga apisar indi perpekto ang mga hilikuton sa road clearing , nagbunga naman ang tinutuyo sang City Government nga maangkon ang kalimpyu kag kahapsay sa syudad.
Samtang kaangot sini target naman sang City Government ang pagpahagan-hagan sang basura.
