BOMBO FLASH REPORT! Anay barangay kagawad sa Pres. Quirino, Sultan Kudarat, ginluthang-patay

KORONADAL CITY – Tigayon na nga ginbawian sang kabuhi ang isa ka anay barangay kagawad sa bahin sang Brgy. Poblacion, Pres. Quirino, Sultan Kudarat makaligad ginluthang sang mga suspek.

Ginkilala ang nasambit nga biktima nga si Binhan Calido, yara sa legal nga pang-edaron, may asawa, kag residente sang Brgy. San Jose, sa nasambit nga banwa.

Base sa imbestigasyon sang mga otoridad, ginsundan sang mga suspek ang biktima sa pagsulod sini sa videokehan kag makaligad ang pila ka minutos ginluthang nila si Calido sang makapila ka bes.

Padayon pa nga ginahibalo ang motibo sang pagluthang sa biktima kag ang identity sang mga suspek.

Nahibaloan nga isa ka drug surenderee si Calido sa idalom sang Oplan Tokhang sang Duterte administration.