KORONADAL CITY – Padayon ang pahanumdom sang South Cotabato PNP sa mga pumuluyo sa probinsya nga lkawan na ang pag-intra ukon pagsulod sa anuman nga mga sahi sang investment scam.
Ini ang ginpahayag ni PCol. Joel Limson, provincial director sang South Cotabato PNP sa interbyu sang Bombo Radyo Koronadal makaligad nga pila sa gihapon sa mga residente ang nagalaum ukon nagasalig sa sini nga mga modus bilang paagi agud magsanyog ang ila kabuhi.
Suno kay Limson, mas maayo nga maghalong sa sini nga mga kumbyohan ukon magpamangkot sa mga eksperto bangud sigurado nga mausik lamang ang kwarta nga iga-invest diri.
Ginhalimbawa man sini nga nangin desperado suno pa ang isa ka investor nga nabiktima sang investment scam kun sa diin makahimo na ini sang krimen, may mga nagahikog, ukon wala na sang may makaon.
Nagpahanumdom man ini sa mga investment companies nga indi na pag-idayon ang ila mga modus bangud ginatunto lamang nila ang ila mga pumuluyo kag ilegal ang ila ginahimo.
Samtang gindugang ni Limson nga hugot man ang pagbantay sang South Cotabato PNP sa mga pulis nga nalamita sa investment scam kasubong sang PPM kun sa diin madamo sa mga police personnel ang nagsumiter na sang ila mga reply sa mga summons nga ginpadala sang Ombudsman kag mga local courts kun sa diin ang CIDG ang nagsang-at sang kaso batok sa mga ini.
Ginpasiguro man sang opisyal nga mangin strikto man ang ila monitoring batok sa mga aktibidad sang KAPA agud indi na sila makapangbiktima pa.
