KORONADAL CITY- Ginsaysay sang suod nga abyan kag kaingod puluy-an ni Engineer Nidalyn Rendon nga si Gng. Marjolyn Ofred ang makangilidlis nga krimen nga natabao sa nasambit nga biktima.
Sa ekslusibo nga interbyu sang Bombo Radyo Koronadal kay Ofred, nakabati ini sang pagsinggitan halin sa bahin sang kusina ni Engr. Rendon rason nga nagsala ini nga mangayo man sang bulig.
Ulihi suno pa nga nabatian sini sa biktima ang pagpangayo sini sang bulig bangud duguan na ini kun sa diin ginpamangkot niya pa ang biktima kun sa diin banda sang puluy-an ini bangud indi sila makasulod bangud nakakandado ang tanan nga alagyan.
Nakita pa nila ang isa ka lalaki nga naglumpat sa bahin sang pader nga posible suspek sa nasambit nga krimen nga ginlaragway sini nga isa ka gamayon kag payat nga lalaki.
Kaangot sini, nagbilin naman sang trauma kay Ofred ang natabo ilabi pa nga malapit nga abyan niya ang biktima.
Sa ulihi nila nga mga paghinun-anon sang biktima, nakamensyunar suno pa ini sa iya nga may mga problema ini sa iya nga hardware. Una naman nga ginhangyo sang pamilya ni Engr. Rendon sa mga otoridad nga i-hold anay ang mga trabahante nga lalaki sa iya hardware nga ginatudlo nila nga suspek sa pagpatay sa biktima bangud man sa komprontasyon suno pa pagpangawat sang mga semento.
