KORONADAL CITY– Gilayon nga gindangat sa balay bululngan ang 11 ka mga pilason matapos nga magbuguanay ang isa ka prime mover kag 6 wheelers closed van sa national highway sa banwa sangTupi, South Cotabato.
Suno kay Police Captain Samuel Bascon Jr, hepe sang Tupi PNP, nakaparking sa kilid sang dalan nga sakop sang Barangay Polunuling, Tupi, South Cotabato ang prime mover truck sang ginbuguan sang closed van.
Maayo na lamang suno pa nga indi kaayo madasig ang dalagan sang prime mover rason nga wala sang ginbawian sang kabuhi sa aksidente.
Sa subong nagapaayo na sa Roel Senador Memorial Hospital ang driver kag mga pasahero sang duha ka salakyan.
Nagpasalamat naman ang mga biktima sa madasig nga pagresponder sang kapulisan, BFP Tupi sa pagpanguna ni Fire Insp. Eugenio Mangilaya kag iban pa nga katapo sang rescue team.
Nakahanda man suno pa nga mag istorya ang tag iya sang duha kasalakyan para sa amicable settlement.
