KORONADAL CITY – Gilayon nga nabaton sang mga atleta halin sa Rehiyon 12 ang ila nga mga insentibo halin sa P3 million pesos nga ginpain sang Deped 12 ilabi na sa mga nakakwa sang medalya sa 2019 Palarong Pambansa sa Davao City.
Suno kay Deped 12 Regional Director Allan Farnazo, tinutuyo sini nga awhagon ang mga atleta nga mas magtinguha agud makakwa sang medalya sa nasambit nga palaro.
Ginkalipay naman ni Farnazo nga naglevel up ang Socsargen Warriors sa ika-apat nga pwesto subong nga tuig halin sa ika-6 nga pwesto sang 2018.
Ginpahayag pa ni Farnazo nga ang mga gold medalist sang SOCCKSARGEN sa 2019 Palarong pambansa ang nakabaton sang 20 thousand pesos nga insentibo, 5 thousand ang silver kag 3 thousand pesos ang bronze medalist.
Dugang nga 10 thousand pesos naman sa 3 ka mga atleta nga una na nagakakwa sang gold medal para sa rehiyon.
Kaangot sini, nagpasalamat naman ang opisyal sa suporta sang mga local government units nga naghatag sang 24.5 million pesos para sa SOCCKSARGEN Warriors.
