KORONADAL CITY- Ginkakibot sang 33rd Infantry Batallion Philippine Army ang dako nga kantidad sang kwarta nga ginatanyag sang Bangsamoro Islamic Freedom Fighters sa ila nga mga ginarecruit nga sibilyan agud nga magtipyok sa ila nga pwersa.
Nahibaluan nga suno sa 6 ka mga nadakpan nga myembro sang rebelde nga grupo, aminado ang mga ini nga nagahatag sila sang tag P100,000 sa mga sibilyan nga nagapasugot nga magpartisipar sa ila nga grupo.
Bangud sini, ginpahayag ni 33rd IB commanding officer Lt. Col. Harold Cabunoc nga makatilingala kun sa diin nagikan kag nagakuha sang dalagko nga pundo ang BIFF agud nga matuman ang ila malain nga plano.
Kaangpt sini, isa sa mga ginalantaw nga anggulo ang posibilidad nga may mga pulitiko nga nagahatag sang suporta pinansyal sa mga ini kabylo sang pangkaugalingon nga interes sang mga ini.
Posible man nga gikan sa dako nga kantidad sang kwarta sa extortion nga ginapatigayon sang rebelde nga grupo.
Kun madumduman ang 6 ka mga rebelde ang una nga nakig-away sa mga militar kag SAF sa Datu Paglas, Maguindanao usar ang matag-as nga kalibre sang armas luthang kag eksplosibo nga tigayon nga nadakpan.
