KORONADAL CITY- Ginrelieve sa pwesto ang suno pa non-performing nga siyam ka mga katapo sang Intelligence Unit sang Banga Municipal Police Station sa probinsya sang South Cotabato.
Ini ang ginkumpirmar ni PSSUPT. Joel Limson, provincial director sang South Cotabato sa interbyu sang Bombo Radyo Koronadal.
Suno kay Limson, natukiban sa ginpatigayon nga evaluation kag assessment sa nasambut nga mga pulis nga drama ukon hokus-pokus lang ang ila ginapatigayon nga operasyon bantuk sa iligal nga droga kag aktibidad sa nasambit nga banwa.
Dugang pa sang opisyal nga madamo na ini sang nabaton nga reklamo batuk sa wala ginhingadlan nga mga pulis bangud sa kakulangan sang accomplishment sa ila bahin.
Ginkumpirmar pa sini ang Intelligence unit sa City Police Station sang Koronadal nga yara sa apal lamang apang madamo sang accomplishment kun ikumparar suno pa sa 9 ka mga katapo sang Intel unit sang Banga Municipal Police Station.
Ginpaandaman naman sini ang chief of police sang nasambit nga police station makaligad ang ginpatigayon nga pagrelieve sa mga tinawo sini.
Kadungan sini, gin-awhag ni Limson ang kapulisan sa probinsya nga mangin tampad sa trabaho kag mangin role model bangud magapadayon ang pagahimuon nga evaluation sang mga ini.
