KORONADAL CITY- Madinalag-on ang ginpatiggayon nga raid sa isa ka marijuana plantation sa nabukid nga bahin sang Columbio, Sultan Kudarat.
Sa ekslusibo nga interbyu sang Bombo Radyo Koronadal kay Sultan Kudarat Police Provincial Director Senior Superintendent James Gulmatico, ang nasambit nga operasyon ang ginpatigayon sang gintingob pwersa nga Columbio PNP, Regional Mobile Force Battalion 12, 27th Infantry Battalion Philippine Army, 39th Infantry Battalion Philippine Army Charlie Company kag Philippine Drug Enforcement Agency (PDEA 12) kun sa diin target ang 8 ka ektarya sang marijuana plantation sa nabukid nga bahin sang Sitio Alyong, Brgy. Datalblao, Columbio Sultan Kudarat.
Sa nasambit nga operasyon, naabtan pa sang 2 ka adlaw ang operasyon sang mga otoridad bag-o nalab-ot ang surudlon nga bahin sang lugar kun sa diin madinalag-on nga narekober ang 3,3320 fully grown marijuana kag gina-alegar nga naarestar ang ginapatihan nga mga marijuana growers nga sanday Balusa Binuhay kag Tata Binuhay samtang ang ginapatihan naman nga nagapanag-iya nga isa ka chieftain nga si Dot Capion ang arestado man.
Nahibaluan nga bangud sa kadamuon sang marijuana, nagpatigayon na lang sang burning ceremony sa lugar kun sa diin ini narekober.
