Nagdangat na sa 788 ang napagkit nga kaso sang Dengue sa Probinsiya sang South Cotabato.
Ini ang suno sa datos sang Provincial Epidemiology and Survaillace unit humalin sang Enero 1 tubtub Pebrero 22 2025.
Sa diin nagsaka pa sa 24% ang napagkit nga datos kun ikumparar sang naglabay nga tuig sa pareho nga bulan.
Pinakabata naman nga napagkit nga kaso amu ang isa ka 2 months old nga bata kag ang pinakatigulang naman amu ang isa ka 94 anyos. Sa nasambit nga numero, 52% ukon 413 ang lalaki samtang 48% naman ukon 375 ang mga babayi.
Isa naman ang napagkit nga patay sa balatian nga isa ka 7 ka tuig nga babae sa bahin sang banwa sang Polomolok, South Cotabato.
Pulo naman ka barangay sa Probisiya ang ginakabig nga Dengue Hot spot Areas sa diin ginakalakipan sang Koronadal City sa diin ang mga barangay nga hot spot areas amu ang Brgy. GPS, Morales, San Roque, Brgy Sto. Niño kag Brgy zone III, Banwa sang Norala particular na ang Poblacion, Banwa sang Polomolok nga Brgy Poblacion, Banwa sang Sto. Niño sa Brgy. M Roxas kag Surallah nga amu ang mga barangay sang Libertad kag Dajay.
Padayon naman sa subong ang panawagan sang DOH-12 sa tanan nga magpatuman sang 𝐴𝐿𝐴𝑆-𝐾𝑊𝐴𝑇𝑅𝑂 𝐾𝑂𝑁𝑇𝑅𝐴 𝑀𝑂𝑆𝑄𝑈𝐼𝑇𝑂: 4 𝑛𝑎 𝐻𝑎𝑘𝑏𝑎𝑛𝑔 𝐿𝑎𝑏𝑎𝑛 𝑠𝑎 𝐿𝑎𝑚𝑜𝑘 amu ang 𝗧𝗔𝗢𝗕 𝗧𝗔𝗞𝗧𝗔𝗞 𝗧𝗨𝗬𝗢 𝗧𝗔𝗞𝗜𝗣.
