7 menor de edad kalakip sa mga nasampolan sang ginapatuman nga Curfew sa Koronadal

KORONADAL CITY- Naglab-ot sa pito ka mga menor de edad gikan sa 12 katawo ang nadakpan sang Koronadal City PNP kadungan gihapon sang implementasyon sang curfew hour sa siyudad sang Koronadal samtang nagapadayon ang ginapatuman nga Martial Law sa bug-os nga isla sang Mindanao.

Suno kay Police Chief Insp. Marifel Maganto sang South Cotabato PNP nadakpan ang mga menor de edad matapos naglapas sa 11PM -4AM nga curfew hour sa siyudad.

Nahibaluan nga matapos nga madakpan ang mga menor de edad gilayon nga ginpaidalom sa safekeeping ang mga ini kag gindala pabalik sa ila mga ginikanan.