KORONADAL CITY- Nakatalana nga pasakaan sang kaso nga paglapas sa RA 9165 o Comprehensive Dangerous Drugs Act of 2002 subong nga adlaw ang 7 ka persona nga naarestar sa separar nga operasyon batuk sa iligal nga droga sa probinsya sang Sultan Kudarat.
Una nga ginkasa ang operasyon sa Prk 3. Brgy. Kinudalan Lebak Sultan Kudarat kun sa diin naarestar ang 4 ka notoryu nga mga drug pusher nga sanday Mama Dali Ahmad Amol, Abdul Rahman Yusop, Diksoy Ayaw Kinudalan kag Amir Ismael Adel nga mga residente sang nasambit nga lugar kun sa diin narekober ang 16 ka dalagkuan nga pakete sang shabu, mga drug paraphernalia samtang sa isa naman ka operasyon sa Prk. Rambutan Brgy. Barurao 1 arestado man ang isa ka Andong Dindon nga nakuhaan sang 8 ka pakete sang shabu kag kagamitan sa iligal nga droga.
Ginsundan man ini sang isa pa ka operasyon sa Brgy. Kenram Isulan Sultan Kudarat kun sa diin naarestar ang mag live-in partner nga sanday Willie Areno kag Mary Claire Mansanares kun sa diin narekober ang isa ka dako nga pakete sang shabu, isa ka pakete sang dried marijuana leaver kag drug money.
Kaangot sini wala man nakaluwas sa operasyon ang isa ka Jessie Cervacio sang Kalamansig Sultan Kudarat nga apisar wala naman nakuhaan sang droga apang narekober naman sa posisyon sini ang pila ka armas kag mga bala kun sa diin magapangatubang ini sa kaso nga paglapas sa RA 10591 ukom illegal possession of firearms and ammunition.
Ang nasambit nga operasyon ang sa pagpanguna sang Sultan Kudarat PNP kag PDEA 12.
