KORONADAL CITY-Nagapatigayon na sang profiling ang Infantry (Magiting) Battalion,6ID Phil.Army sa 13 ka mga nag balik sa sabak sang gobyerno nga mga anay miyembro sang Bangsamoro Islamic Freedom Fighter (BIFF) nga ginpatigayon sa Magiting Social Hall, Barangay Tual, President Quirino, Sultan Kudarat.
Madumduman nga pinaagi sa pagbinuligay sang 40th Infantry Battalion kaupod na ang Pamahalaang Panlalawigan ng Maguindanao,nakumbinse ang mga anay rebelde nga mag balik sabak sa gobyerno sa mga banwa sang General Salipada K. Pendatun, Sultan Sa Barongis kag Paglas sa nasambit nga probinsya.
Sa bulig sang Ministry of Social Services and Development (MSSD), Ministry of Agriculture Fisheries and Aquatic Resources (MAFAR) kag gobyerno sang Bangsamoro Autonomous Region in Muslim Mindanao (BARMM) kalakip ang Provincial Peace and Development Office (PPDO), Provincial Agriculture Office (PAO) gina promisa sang mga otoridad nga magapabilin nga malinong kag luwas ang mga banwa nga sakop sang probinsya sang Maguidanao.
Sa subong, nakatalana nga makabaton sang ayuda ang mga anay rebelde pinaagi sa programa sang AGILA HAVEN (Anak na May Ginintuang Layunin na Hintuan Ang Violent Extremism sa Ngayon).
Positibo naman ang pananaw sang 6ID sa mga rebelde nga BIFF nga nagbalik sa sabak sang gobyerno nga dalayon nga magbag-o ang mga ini kag indi na magbalik pa sa dati nila nga kabuhi.
