KORONADAL CITY – Naglab-ot sa 10 ka mga bandido ang ginbawian sang kabuhi samtang 5 naman ang pilason sa natabo nga engkwentro sa tunga sang mga suldado sang 33rd IB Philippine Army kag bandido nga grupo nga ginapamunuan ni Kumander Dimas alyas Dragon sa Sitio Matinao, Barangay Bual, Isulan, Sultan Kudarat.
Ini ang ginkumpirmar ni Lt. Col. Harold Cabunoc, battalion commander sang 33rd IB sa interbyu sang Bombo Radyo Koronadal.
Suno kay Cabunoc, igaserbe kuntani nila ang isa ka warrant of arrest kaupod ang operating team gikan sa Sultan Kudarat PNP batuk sa grupo ni Kumander Dimas nga nagpanghadlok kag nagapangkilkil sa mga residente sa lugar apang pasaka pa lamang sila sa kampo sang mga bandido, ginpaulanan na sila sang bala.
Naglab-ot sa 50 ka mga armado nga bandido ang nakaengkwentro nila nga nagresulta sa pagkamatay sang 10 sa mga ini kag pagkapilas naman sang 7 ka iban pa.
Samtang sa bahin sang mga suldado, isa ang napilasan nga ginkilala kay Private 1st Class David Desidario nga ginabulong na sa Sultan Kudarat Hospital.
Dugang pa sang opisyal, nagpakilala suno pa ang grupo ni Kumander Dimas nga mga katapu sang MILF agud nga indi sila maarestar sang mga otoridad.
Apang, bangud sa ginpasar nga resolusyon sang Barangay council tuga man sang reklamo sang mga nangin biktima sang pagpangilkil sang mga ini
kaupod na ang mga small scale miners, napatigayon ang operasyon nga nagresulta sa engkwentro bangud sa nagbato ang mga ini.
Napag-alaman na nagmula sa ibat-ibang lugar sa Mindanao ang mga bandido na kasapi ng grupo ni Kumander Dimas na may dalang mga high powered firearms.
Antes pa man ang operasyon nakig-angot naman ang mga sundalo sa MILF agud nga masiguro nga indi nila myembro ang mga bandido nga nagahimo sang kalakasan sa nasambit nga lugar.
