Patay ang isa ka lalaki matapos matabunan sang landslide sa Phase 2, Relocation Site, Purok Bagong Buhay, Barangay Bunao, Tupi, South Cotabato pasado alas 2 sang hapon.
Ginkilala ang biktima nga si Russell Pasawilan, 25-anyos, isa ka staff sang isa ka peryahan, kag amo isa ka residente sang Barangay Kamanga, Laguilayan, Sultan Kudarat.
Suno sang inisyal nga impormasyon sang ahensiya, natabu ang insidente samtang nagakatulog si Pasawilan sa isa ka pwesto sang peryahan sang kalit naglupok ang duta bangud sang sunod-sunod nga pag-ulan.
Suno pa sa report, naigop sa ulo sang kahoy ang biktima antes siya matabunan sang duta.
Gilayon siya gindala sa ospital apang gindeklarar nga dead on arrival.
Maswerte naman nga nakaluwas ang iban niya nga mga kaupdanan sa peryahan sa tion sang trahedya.
Nagapadayon subong ang imbestigasyon kag monitoring sang lokal nga disaster response team sa lugar.
