Supotado sang “Young Guns” sang Kamara de Representates si Speaker Ferdinand Martin G. Romualdez sa pagduso sang P29 Rice Program ni Pangulong Ferdinand R. Marcos Jr. nga may tinutuyo nga ipatuman ang barato nga presyo sang bugas para sa pamilya nga Pilipino sa tunga sang nagasaka nga presyo sang balaklon bangud man sa pagkadelatar sa supply chain.
Para kay Assistant Majority Leader kag Lanao del Sur 1st District Rep. Zia Alonto Adiong ang ₱29 Rice Program ang isa ka tikang agud masiguro nga may yara sang mabakal nga barato nga pagkain ang vulnerable sector sang komunidad.
Ginkilala man ni Assistant Majority Leader kag La Union 1st District Rep. Francisco Paolo Ortega V ang dako nga bulig sang programa sa ekonomiya.
“The ₱29 Rice Program reflects the administration’s commitment to tackling inflation and providing immediate relief to those in need,” suno sa iya.
Magluwas nga makabulig ini sa pigado nga mga pamilya, ginpahayag naman ni Assistant Majority Leader at Zambales 1st District Rep. Jay Khonghun nga mabuligan man sini ang mga local farmers nga makaangkon sang kasiguruhan sa pagbaligya sang ila nga produkto sa merkado para sa ila nga mga harvest.Para naman kay 1-Rider Party-list Rep. Rodge Gutierrez, mabuligan naman sini ang panginahanglanon sang pumuluyo sa pagpa-pag-on sang ekonomiya.
Dugang pa sang kongresista, “Affordable rice is crucial for maintaining stability and improving the quality of life for millions. By ensuring that rice remains accessible at a low cost, we are not only helping families manage their daily expenses but also contributing to overall economic stability.”
Dugang pa sini, “This program ensures that nutritious food is within reach for all, promoting better health and well-being across the nation. It exemplifies our commitment to building a more equitable and sustainable food system for the future.”
Nakita naman ni Deputy Majority Leader at Isabela 6th District Rep. Faustino “Inno” Dy V ang ₱29 Rice Program ang yabi sa pagpatahaw sang pabag-o-bag-o nga presyo sang bugas kag pag-angkon sang mapag-on nga supplay para sa mga Pilipino.
Gintumod man ni Assistant Majority Leader at Nueva Ecija 1st District Rep. Mikaela Angela Suansing nga long-term solution sa problema ang ila ginduso nga pa-amiendar sa Rice Tariffication Law (RTL).
Positibo naman si Manila 3rd District Rep. Joel Chua sa maayo nga epekto sang pagpatuman sang administrasyon sa ₱29 Rice Program.
