KORONADAL CITY – Nagapadayon sa subong ang imbestigasyon sang mga otoridad sa nagluntad nga pagpanghaboy sang bato sa isa ka unit sang Yellow Bus Line Inc. o YBL sa bahin sang Brgy. New Cuyapo , Tantangan South Cotabato.
Ini ang ginkumpirma sa Bombo radyo Koronadal ni Mr.Bernard Bolanio- Operation Manager sang YBL Inc. sa interview sang Bombo Radyo Koronadal.
Suno sa iya, padulong ang isa ka unit sang bus nga may body number na A-045 sa direksyon sang Koronadal halin sa syudad sang Tacurong sakay ang 11 ka mga pasahero pasado alas-7 sang gab-e sang Oktubre 21 2024.
Dugang pa sini sang nag-abot ang bus sa bahin sang Brgy. New Cuyapo sa nasambit nga banwa, hinali na lamang suno pa nga ginbato ini sang wala pa makilal-an nga persona.
Nabuka ang salamin sang salakyan kag nagtarabog ang buka nga salamin sa dalan.
Masuwerte naman nga wa sang may napuruhan sa mga pasahero nga sakay sang amu nga bus.
Posible naman suno pa nga isa ka hubog ukon na tripan lang ang bus sa pila ka mga kabataan.
Kasamtangan naman nga gina imbestigaran sang mga kapulisan ang nasambit nga pagpanghaboy sa bato sa bus kag ang motibo sini agud mapanabat ini sa ila nga hinimuan.
