Ginpanginwala ni Bise Presidente Sara Duterte ang alegasyon sang Malakanyang nga palpak ang iya pagpungko bilang sekretarya sang Department of Education.
Suno pa sa Bise Presidente, sa matuod lang, wala siya ginpa-halin ni Pangulong Ferdinand Marcos Jr. matapos siya magsumiter sang iya resignation bilang sekretarya sang DepEd sang 2024.
Ginhangyo pa ni Marcos kon gusto niya sang iban nga posisyon sa cabinet, apang iya ini ginpanginwala.
Wala siya kabalo kun diin naghalin ang pahayag nga nagsiling nga palpak siya bilang sekretarya sang DepEd, kag nagasiling ini nga isa lang ka pagpangguba sa iya.
Una na nga ginpahayag ni Palace Press Officer Undersecretary Claire Castro nga isa ka palpak ang pagserbi ni Duterte bilang DepEd Secretary, tungod kay ang Pilipinas nagapabilin sa kahimtang sang edukasyon kumpara sa iban nga mga pungsod.
