Ginpahayag ni Vice President Sara Duterte nga hulaton anay sang publiko kun sabton niya ang duha ka impeachment complaints nga ginpasaka batok sa iya, nga ginalauman nga isumiter sa Lunes, Marso 16.
Ginpahayag sang Bise Presidente sa isa ka interview sa Davao City nga hulaton na lang man sang mga miyembro sang House of Representatives ang iya desisyon.
Suno kay Bicol Saro Party-list Representative Terry Ridon, pagahisgutan sa Marso 18 nga hearing sang House Committee on Justice ang posible nga conflict of interest sang duha ka abogado sang bise presidente nga sanday Atty. Reynold Munsayac kag Michael Poa.
May kaangtanan naman sa alegasyon sang “18 Marines” bahin sa ginatawag nga “maleta” nga gina-alegar nga may sulod nga kwarta agud suhulan ang pila ka mga pulitiko, nagsiling si Duterte nga magahulat anay sila sang bag-o nga ebidensya antes magkomento.
Sa pihak sini, ginpangunahan ni Duterte kag anay Presidente kag kasamtangan nga Pampanga Representative Gloria Macapagal-Arroyo ang pagpirma sa isa ka coffee table book bilang pagdumdom sa ika-90 nga anibersaryo sang Office of the Vice President sa Davao City.
