Nagsaka sa ₱19.07 trilyon ang nasyonal nga utang sang Pilipinas sang Hunyo, suno sa Bureau of the Treasury.
Ini mas mataas sang ₱518.98 bilyon ukon 2.8 porsyento komparar sa katapusan sang Mayo. Suno sa ahensya, ang pagsaka sang utang bangud sang padayon nga pagpanghulam sang gobyerno agud tustusan ang mga proyekto sa imprastruktura kag mga programa para sa publiko.
Nag-abot sa ₱12.84 trilyon ang lokal nga utang, samtang ₱6.23 trilyon naman ang utang sa mga langyaw nga nagpautang. Ginpabutyag sang gobyerno nga ginaprioridad nila ang lokal nga pagpanghulam agud mahagan-hagan ang risgo sa foreign exchange.
Suno sa mga economic managers, indi dapat kabalak-an ang nagasaka nga utang nga mas madasig ang pagtubo sang ekonomiya sang pungsod kumpara sa pagsaka sang utang.
